Ekainaren 5ean egingo da Akelarre elkartearen ekimenez, Hendaiako Mediatekan, eta jadanik zabalik da parte hartzeko izena emateko epea. Aurreikuspenen arabera, 9 ordu eta 109 irakurle beharko dira. Animatu!
Agenda
Ez ahaztu: Mugatiko osteguna dugu bihar
Bihar, hilaren 11n, 20:30ean, bilera Hendayesen. Noski, tragoekin eta konpainia onarekin amenizatuta. Ez ahaztu.
Agenda Albisteak
Bertsolari filma gaur Varietesen; hitzordua 20:30ean
Asier Altunaren Bertsolari filma emango dute gaur arratsean Hendaiako Varietes antzokian. 20:30ean da hitzordua. Filma ikusteko ez ezik,Asier Altuna zuzendariarekin, Amets Arzallus bertsolariarekin eta Laurent Dufreche montatzailearekin solasteko aukera izango da, baita mokadutxo batzuk dastatzekoa ere.
Albisteak
Bertsolari filma astelehenean Varietes zineman
Zinema euskaraz ikusi ahal izateko parada izango da datorren astelehenean, martxoaren 25ean, Hendaiako Varietes aretoan, 21:00tan.. Zehazki, Asier Altunaren Bertsolari film ezagun eta goraipatua emango dute. Parada bikaina bertsolaritza modu eder eta atsegin batez hurbilagotik ezagutzeko.
Agenda Albisteak
Mari Luz Estebanen hitzaldia emakumeez, zutaz, nitaz…
Nortasuna, identitatea, generoa, eraikuntza, emakumea, emakumeak, ereduak, praktikak, feminismoa, maskulinitateak… moda-modako hitz eta gaiak ditugu hainbeste noraezeko garai hauetan. Horietaz arituko da Mari Luz Esteban antropologo eta pentsalari handia Hendaian, martxoaren 16an, larunbatez, Mediatekan, 18:00etan. Etor zaitez, ez zaizu damutuko.
Agenda Albisteak
Ganorax taldearen \’Zeoze, o ze!\’ antzeslana, ostiralean
Harremanei buruzko irakurketa batekin gozatzeko prest? Ba zoaz ostiralean, martxoren 8an, Hendaiako Mendi Zola aretora, 20:30ean, eta ikusi Ganorax taldearen \’Zeoze, o ze!\’ antzeslana.
Agenda
Abadia eremuko Nekatoenea baserria berriro ere idazle bat aterbetzeko prest
Datorren urrian Hendaiako Abadia eremu paregabean egonaldia egiteko aukera izango du idazle batek: Nekatoenea baserrian ostatu emango zaio hilabetez, eta, halaber, mila euroko beka. EKE Euskal Kultur Erakundeak, CPIE Euskal Itsasbazterrak elkarteak eta EIE Euskal Idazleen Elkarteak sustatzen dute egonaldia. Apirilaren 30era arte aurkez daitezke hautagaitzak.
Albisteak
Mugatiren osteguna, San Balentin egunez
Datorren ostegun honetan, hilaren 14an (ai, San Balentin egun azukretsuz), egingo da Mugatiren hilean behingo bilera, 20:30ean, Hendayesen. Kupidok izango ote du kupidarik!
Albisteak
Ikastola, herri eskola!
Baionako suprefetak Hendaiako Herriko Etxeari ikastola diruz laguntzeko ezarri dion debekuaren aurka manifestazioa egingo da larunbatean. 17:00etan abiatuko da Geltokitik, Ikastola, herri eskola! lelo hartuta. Hendaiako ikastolaren eraikin berria, eta, ondorioz, ikasleek beren jardueretarako gune egoki bat izatea erabaki horren menpe dago. Baina Hendaiakoari ez ezik, Ipar Euskal Herriko ikastolei eragiten die erabakiak.
Albisteak
Mugatiren Ostegunak: elkarretaratzea abenduaren 13an
Mugatikide eta Heindaiako euskaltzale oro: Durangoko ajea gaindituta eta Gabonetako gozoaldiaren zain, plazer handiz gonbidatzen zaitugu abenduaren 13an, ostegunez, 20:30ean, Hendaies ostatuan, egingo dugun hilean behingo bilerara. Gai eta zeregin interesgarriak eta giro goxoa bermatuta. Etor zaitez, beso zabalik hartuko zaitugu.
